قصه طريفه (ورقه رسميه

مقدمه
ببساطه كل واحد شاف مشقه فى عمل ورقه رسميه بطاقه شهاده ميلاد معاش اى شىء
زى كده وشفنا الموظفين بيعملونا ازى القصه دى بطلها بيعمل ورقه رسميه كل حلقه
وحنشوف شاف ايه وعمل ايه بس الردود حتخلينى اكمل او ابطل .....وشكرا


بطاقه شخصيه
قام بسيونى من النوم مفزوع على صوت انعام مراته وهيه بتصرخ
قوم يارجل كفايه نوم ورايه غسيل وتظيف البيت والطبخ وانت مش
حاسس بحاجه
بسيونى:مش حاسس بحاجه وهو مين اللى بيدفع ثمن كل ده مش الحمار
اللى نايم منك لله انتى وجوج بوش فى يوم واحد عيزانى ااقوم اعمل ايه
اخدلك فمين
انعام:ياريت تعرف يافالح بس عيزه اخذ الغيرات وانظف السرير
بسيونى :فى يوم الاجازه يانعام حاضر خدى اللى انتى عيزاه وسبينى انام
انعام:تنام ايه روح اقعد على القهوه لحد مخلص وتعالى خلص ورايه بلاوى
بسيونى:حكم الاقوى حاضر شفيلى حاجه البسها
نعام:انزل زى ماانته كده كل هدومك فى الغسيل
بسيونى:نعم ياوليه انزل ازاى انتى بتقولى ايه
وكان الرد طبعا كلعاده صرخه قويه خلت بسيونى يستسلم وينزل
بالبيجامه ويقعد على السلم مستنى الفرج.
وبعد ساعه فكر بسيونى يدخل يجيب علبه السجائر من جيب البنط..
اخ ياترى انعام طلعت علبه السجاير من البنطالون ولا...


بسيونى:انعام كان فيه علبه سجاير فى البنطالون شفتيها
انعام:اشوف ايه ولا ايه هو انا خلصانه من خدمتك انته وعيالك حراااام
عليكم ارحمونى
بسيونى:طيب خلاص ارحمينى انتى واسكوتى اسكوتى
وافتكر بسيونى البطاقه كانت جوه البنطالون ياخبر دى البطاقه ورق وممكن ..
بسيونى: انعام هيه البطاقه طلعتيها من البنطلون ولا حصلت علبه السجاير
انعام:بطاقه انا ولا شفت بطاقه ولا شفت حاجه واطلع من دماغى بقى لحسن يومك
مش حيعدى يابسيونى


بسيونى:شكلك بتغسلى اموال فى الغساله مش هدوم وشكلك حتعيدى عند امك...
وكان ده اخر كلام قاله بسيونى قبل ميروح المستشفى بس اللى فكره انه شاف حاجه
عمله زى ايد غليه على دماغه....
ودى بدايه القصه مش حقول حاجه الا لما اعرف اكمل ولا بلاش